CANGAS 1617, a defensa da vila.

Punto de partida:  Palco da Alameda Vella 

Hora: 11:00

Duración aproximada: 2h 

Lonxitude: 1'4 km

Dificultade: Baixa

Este ano cumpriránse 400 anos do maior ataque sufrido pola vila de Cangas na súa historia. 

A mañá do 9 de Decembro de 1617 unha escadra de piratas turco berberíscos que chegaran á Ria de Vigo realizaron un brutal asalto sobre á vila de Cangas matando e destruíndo todo o que atoparon ao seu paso.

Ao principio desta ruta achegarémonos á vida daquelas xentes que habitaban unha vila naqueles tempos puxante grazas sobre todo a importancia do seu porto coa pesca e o comercio como motor económico.

Percorreremos as rúas do casco antigo que existían naquel momento e coñeceremos interesantes historias sobre o dia a día da Cangas de 1617:

• O poder da igrexa e a Colexiata como eixo da vida social da vila.
• Personaxes da época e as súas crenzas, costumes e supersticións.
• Os diferentes barrios existentes e a aquitectura típica mariñeira.

Finalmente, viaxaremos no tempo para coñecer como foi a defensa da vila levada a cabo polos “Héroes de 1617” ante o asalto e as posteriores consecuencias sobre o desenvolvemento posterior de Cangas nos anos seguintes ao ataque.

Para asistir, inscríbete nas Oficinas de Turismo de Cangas:

• Avenida Eugenio Sequeiros, 9   Teléfono: 986392023

Ou ben envia un email a turismo@cangas.gal indicando: nome, idade, ruta e data elixida, e un teléfono de contacto.

Se aínda así tes problemas para asistir ou tes un grupo que quera facer a ruta outro día podes poñerte en contacto con nós, enviando un mail a  ailladosratos@gmail.com ou nas nosas redes sociais.

Vémonos!